毛孩食譜大家見得多，但你有冇諗過呢個三色蛋糕，唔單止啱你嘅毛主子，連你自己都可以你一啖佢一啖咁同佢分甘同味？貴為「寵物手工膳食大師」嘅Angel Pet Pet創辦人Katie設計咗呢個人寵共識嘅食譜，希望毛家長同毛主子可以享用美食，歡聚一刻！
呢個三色蛋糕，其實係Angel Pet Pet喺去年一個Pet Fun Day活動的食譜。Katie即場教識參加活動嘅朋友們呢個簡易居家鮮食菜餚，由製作到蒸熟，成個過程都令毛主子們全場high爆！呢個咁神奇嘅蛋糕到底點整？即刻揭曉！
最終成品好靚呀
寵物鮮食三色蛋糕
工具：預備一個 10吋的蒸籠 (或 4 / 8吋已掃油的糕盤)
準備食材：雞肉 / 鴨肉 / 鴕鳥肉等 (約300克)、西蘭花、紫薯、南瓜 (約200克)
蛋糕製法： 1. 將食材洗淨去皮切成粒、肉洗淨同樣切成粒，各顏色分三次放入攪拌機，攪拌至肉泥狀即成。
綠 - 西蘭花+鴕鳥肉
紫 - 紫薯+鴨肉
黃 - 南瓜+雞肉
2. 選擇合適蛋糕模，分層次層層放入肉泥，每層肉泥必需要壓紮實
3. 面鋪錫紙，用大火隔水蒸約 30分鐘。用竹籤或針插入蛋糕，沒黏著即是熟透，即成。不燙手就可脫模，乘涼後便可裝飾。
唧花材料 (代替 buttercream) 比例：1 : 4 1: 例20g - 原味無糖乳酪 4: 例80g - 淮山（可根據心水顏色改變食材，如紫薯/紅甜椒/紅蘿蔔/馬鈴薯）
靚靚之餘又有營養嘅鮮食蛋糕，有咩健康價值呢？一齊嚟睇下喇！
【雞肉】性味甘溫，主治功用十分廣泛，不但溫中益氣、補精添髓、強筋健骨、活血調經，對虛勞、消瘦、 水腫、病後虛弱、久病體虛、健康調理、產婦補養等，效益都很顯著。
【鴕鳥肉】具有低脂肪、低熱量、低膽固醇的特質，其脂肪含量較其他肉類少二分之一，被 視為最健康的紅肉。
【鴨肉】性涼，可以幫助狗狗降火，緩解淚痕。 並含有豐富的蛋白質以及其他狗身體所需的營養。
【紫薯】《本草綱目》記載，紅薯有“補虛乏，益氣力，健脾胃，強腎陰”的好處，而紫薯作為紅薯的衍生產品，在這方面與紅薯有著異曲同工之妙，富含硒、鐵和花青素。
【原味無糖乳酪 】裏面含有發酵過的蛋白質，乳糖含量很低，發酵過的蛋白質也可以保護胃腸道粘膜，提高胃腸道抵抗力；乳酪裏面豐富的乳酸杆菌，能够維護狗狗腸道內正常菌群。
【西蘭花】中的營養成分含量高、全面，主要包括蛋白質、碳水化合物、脂肪、礦物質、
維生素C和胡蘿蔔素等。
【胡蘿蔔】素屬平性食品，不溫不寒，具有補中益氣、壯元陽、安五臟、含多種維他命的功效。蘿蔔還含有植物纖維，能促進胃腸蠕動，幫助消化吸收還能健脾除濕，降低血脂和血糖。
三隻顏色，三種口味同營養！
全部都係新鮮食材，絕不馬虎！
得未呀！主子肚餓喇！
蒸完之後香噴噴，好靚啊！
咩話？純天然無添加？等我試真啲先！
食到小朋友成個頭埋咗落啲蛋糕度！
食譜由Angel Pet Pet創辦人Katie Chow提供 曾獲2022度亞洲國際品牌節 『寵物手工膳食大師大獎』
唔得閒整愛心餐，但又想從零食幫毛孩補充營養？ 即刻睇下Angel Pet Pet嘅有營潔齒餅，健康美味又便捷
Comments